"Мы памятаем!" Хойніцкія сыраробы ініцыявалі патрыятычную акцыю "Чаша Перамогі»

Напярэдадні 9 Мая работнікі Палескага вытворчага ўчастка ААТ «Мілкавіта" арганізавалі акцыю, якая аб'яднала хойнічан.

Каля свайго прадпрыемства, на алеі «Бэз Перамогі», у коле калег начальнік ППУ Ірына Дашкевіч уклала гранітны камень у сімвалічную чашу, якая сімвалізуе памяць беларусаў пра подзвіг нашых продкаў у Вялікай Айчыннай вайне.

Полымя ў чашы - наша шанаванне пакаленню пераможцаў.

Да патрыятычнай акцыі падключыліся землякі: свой уклад у Чашу Перамогі зрабілі работнікі КЖУП «Хойніцкі Камунальнік» з дырэктарам Сяргеем Несцярэнкам і навучэнцы гімназіі г.Хойнікі разам з дырэктарам Аксанай Мяцельскай.

Наступнымі на маршруце стануць калектывы завода гідраапаратуры і Палескага запаведніка.

- Мы шануем той бясцэнны дар, які зрабілі нам і будучым пакаленням нашы прадзеды. У знак павагі да сапраўднага подзвігу абавязуемся берагчы гістарычную памяць, каб нікому не дазволіць забыцца сапраўдных герояў.