Кіраўніцтва раёна віншуе з Днём вызвалення Хойнікшчыны ад нямецка-фашысцкіх захопнікаў

Паважаныя жыхары і госці Хойніцкага раёна!

Дзень вызвалення раёна ад нямецка-фашысцкіх захопнікаў-асаблівае свята, якое ўвасабляе не толькі адраджэнне роднага краю, але і мужнасць, гераізм адважных ветэранаў, многія з якіх так і не вярнуліся з палёў бітваў. Нізка схіляем галовы перад памяццю загінуўшых герояў.

Гонар і слава на вечныя часы і тым, хто аднаўляў родны край у пасляваенныя гады, хто сваёй нястомнай працай і зацятасцю стаў прыкладам будучаму пакаленню, уносячы вялікі ўклад у патрыятычнае выхаванне моладзі.

Святы абавязак цяперашняга пакалення-абараняць памяць тых, хто выратаваў родную зямлю ў суровыя гады вайны, абараніў наша права на жыццё.

Будзем жа памятаць іх запаветы, будзем памятаць, за што яны змагаліся і як яны перамагалі!

Дарагія хойнічане! Прыміце шчырыя віншаванні і пажаданні моцнага здароўя, мірнага неба над галавой, аптымізму, дабрабыту ў кожным доме!

Дзмітрый ШПІГАНОВІЧ, старшыня раённага выканаўчага камітэта.

Людміла РУДЧАНКА, старшыня раённага Савета дэпутатаў.