Годны вынік! Уладальнікамі максімальных балаў па ЦЭ сталі двое хойнічан

Няма нічога немагчымага - гэты дэвіз пацвярджаюць адразу два хойніцкіх выпускніка, якія дасягнулі найвышэйшага выніку на цэнтралізаваным экзамене – 100 балаў.

Знаёмцеся: 11-класніца гарадской гімназіі Ірына Кушнер і выпускнік сярэдняй школы № 3 Ягор Ціток. Ірына стала лепшай у грамадазнаўстве, а Ягор дамогся вышэйшай ацэнкі па сусветнай гісторыі

Юнак прызнаецца, што рыхтаваўся самастойна, але і педагог гісторыі Жанна Каралева дапамагала. Гімназістка Ірына Кушнер таксама зрабіла стаўку на самападрыхтоўку, а ў 11 класе ўзмацніла нагрузку дадатковымі заняткамі.

Паспяховыя школьнікі аднадушныя: калі паставіць выразную мэту, прыйсці да яе абавязкова атрымаецца!